Ш.Батбаяр өршөөгдлөө

Татар хамтлагийн дуучин Монголын хип хоп холбооны ерөнхийлөгч асан Ш.Батбаяр өршөөлийн хуульд хамрагдах болжээ. Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан өршөөл үзүүлэх тухай хуульд зааснаар Ш.Батбаярт оногдуулсан 1 жил 6 сар хорих ялыг өршөөн хэлтрүүлж, нэн даруй суллахаар өчигдөр шийдвэрлэжээ. Дүүргийн Эрүүгийн хэргийн анхан шатны 1 дүгээр шүүх төрийн албан хаагчийн хуулиар хүлээсэн үүргээ гүйцэтгэж байхад нь хүч хэрэглэн эсэргүүцсэн, хүч хэрэглэхээр заналхийлсэн гэмт хэрэг үйлдсэн гэм буруутайд тооцож 1 жил 6 сар хорих ял оногдуулсан байжээ.