Өглөө.мн Шинэ өглөө, Шинэ мэдээлэл
Шадар сайд асан У.Хүрэлсүх өөрийн багын болон дунд сургуулийн найз, нөхдийн хамт “Андууд” хэмээх амьд хөгжмийн хамтлагийг 2014 онд байгуулж анхны тоглолтоо хийгээд амжсан. Тус хамтлагт У.Хүрэлсүхийн хар багын найз, Чингэлтэй дүүргийн Засаг даргын орлогч асан, эдийн засагч Г.Ариунбунь басс гитарчин, Цөмийн энергийн газрын дарга асан одоо Физикийн хүрээлэнгийн дэд захирал Г.Манлайжав бөмбөрчин Монголын анхны эрдэмтэн бөмбөрчин гээд хамтлагийн гишүүд бүрдсэнээрээ олны анхаарлыг ихэд татсан.
Тэгвэл “Андууд” хамтлаг шинэ залуу уран бүтээлчдийг мөн хамтлагтаа багтаасан ба ах нарынхаа эхлэлийг нь тавьсан хамтлагаа буухиалан авч явах эрхэм үүргийг хүлээсэн залуус шинэхэн уран бүтээл гаргажээ. Тэдний шинэ уран бүтээл “Зорих амьдрал” нэртэй дуу мэндэлсэн ба сайхан уран бүтээл болсон хэмээн дуу бүтээгчид онцолж байгаа юм.
