ОУВС-гийн шинжээчид энэ сарын 20-нд манай оронд ирнэ

Олон улсын валютын сан /ОУВС/-гийн шинжээчид нэгдүгээр сарын 20-нд Монгол Улсад ирэхээр болжээ. Сангийн яамнаас өнгөрсөн оны арванхоёрдугаар сараас эхлэн ОУВС-тай хамтран ажиллах, “Стэнд бай” хөтөлбөрт хамрагдах асуудлыг ярьж эхэлсэн бөгөөд Сангийн яам, Монгол Улсын Засгийн газрын зүгээс яриа хэлэлцээрээ үргэлжлүүлж байгаа юм байна.

ОУВС-ийн шинжээчид Монгол Улсад ирж нөхцөл байдалтай танилцаад явсан ч өнгөрсөн арванхоёрдугаар сард гаднын улс орнууд зул сарын баярыг өргөн тэмдэглэдэг учраас ийнхүү хойшлоод байсан юм. Энэ удаад ирэх шинжээчдийн багтай Сангийн яам болон Засгийн газар ОУВС-гийн ямар хөтөлбөрт хамрагдах, ямар чиглэлээр өөрчлөлт, шинэчлэлт хийх зөвлөмж авах асуудлаа ярилцах аж.