“Нүүдэлчдийн өрхийн эмч” кино Холливүүдийн  кино наадамд амжилттай оролцжээ

“Нүүдэлчдийн өрхийн эмч” баримтат кино Холливүүдийн Олон улсын Баримтат кино наадамд “Шилдэг оюутны кино” төрөлд түрүүлжээ.

Мөн “Шилдэг эмэгтэй кино найруулагч” төрөлд хагас шигшээ шатанд, мөн Канадын AltFF Alternative Film Festival кино наадмын сүүлийн шатанд шалгарсан байна.

Уг бүтээлийг саяхан Их Британийн Хертфордширийн их сургуулийг кино, телевизийн урлагаар мастерийн зэрэг хамгаалсан Март Бира найруулжээ. Тус баримтат кинонд өдөрт 10-100 км зам туулан, өдөр шөнө, өглөө орой, өвөл зунг үл анзааран машин эсвэл морь, тэмээ унаад сумын иргэдэд эрүүл мэндийн тусламж үйлчилгээ үзүүлдэг Дундговь аймгийн Өндөр шил сумын өрхийн эмчийн тухай өгүүлэх ажээ.