Долоон улаан мэнгэтэй, цагаан хулгана өдөр

Өнөөдөр аргын тооллын 2018 оны долоодугаар сарын 07. Бямба гараг. Билгийн тооллын XVII жарны “Тийн унжлагат” хэмээх шороон нохой жилийн Зуны дунд шар морь сарын 24. Санчир гараг. Шийдэм одтой, долоон улаан мэнгэтэй, цагаан хулгана өдөр.

                          Барилдлага: Үл тохирох 
Шүтэн барилдлага: Сансар 
Суудал: Ус 

Өдрийн наран 5 цаг 06 минутад мандан, 20 цаг 52 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хүүхэд үрчлэн авах, хур оруулах, дарханы үйлд сайн. Улааны үйл, төлөг тавих, морь уралдах, хиншүү хярвас гаргахад муу.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. 12 цаг 6 минутанд бага халууны улирал эхэлнэ. Пагшаг бууна. Уснаас сэрэмжлүүштэй 7 хоног үргэлжилнэ. Үс шинээр үргээлгэх буюу засуулахад тохиромжгүй хэмээжээ.