Монголын “The Hu” хамтлаг Queen хамтлагийг ардаа орхин тэргүүллээ

Монголын “Хүннү” рок урсгалаар бүтээл туурвидаг “The Hu” хамтлагийн дуунууд гадаадын хөгжмийн ертөнцийг шуугиулж байгаа талаар бид өмнө нь мэдээлсэн билээ.

Тэгвэл “The Hu” хамтлагийн “Wolf totem” дуу АНУ-ын itunes рок дууны таталтаар нэгдүгээрт бичигджээ. Харин Английн “Queen” хамтлагийн  “Bohemian Rhapsody” дуу  хоёрдугаар бичигдсэнээр Монголын “The Hu” хамтлаг Queen хамтлагийг ардаа орхин тэргүүллээ

 

Дэлхийд Монгол өв соёл, үндэсний урлагаа сурталчилж байгаа тус хамтлагийн хоёр дуу цацагдсан даруйдаа “Youtube”-т 18 сая хүний хандалт авч, дэлхийн алдартай сайтууд тэдний уран бүтээлийг онцлоод буй.

 

Тус хамтлагийн продюсероор Монгол Улсын гавьяат жүжигчин, дуучин, продюсер Б.Дашдондог ажиллаж буй бөгөөд “The HU” хамтлаг Ц.Галбадрах, Б.Энхсайхан, Г.Нямжанцан, Н.Тэмүүлэн гэсэн дөрвөн хүний бүрэлдэхүүнтэй. Хамтлагийн ахлагчийг Ц.Галбадрах ажилладаг.