Соёлын элч Г.Баярчимэг “Монголыг төсөөл” зурагт альбомд орсон гэрэл зургуудаасаа ГХЯ-нд дурсгав

Монгол Улсын Соёлын элч Г.Баярчимэг 2021 оны 9 дүгээр сарын 3-ны өдөр Гадаад харилцааны яамны Төрийн захиргааны удирдлагын газрын захирал С.Золжаргалтай уулзаж, өөрийн “Монголыг төсөөл” зурагт альбомд орсон гэрэл зургуудаасаа Гадаад харилцааны яаманд дурсгав.

Г.Баярчимэг нь энэ оны 8 сарын 20-нд өөрийн “Монголыг Төсөөл” зурагт альбомын нээлтийг хийж, уг альбомд орсон гэрэл зургуудаараа үзэсгэлэн гаргаж байсан билээ. Түүний энэхүү альбом нь “AR” технологийн аргаар төсөөллийг илүү бодитой болгож, Монгол орны унаган байгалийг харуулсан бүтээл юм.