Өглөө.мн Шинэ өглөө, Шинэ мэдээлэл
Монголын үндэсний урлагийг олон улсад амжилттай сурталчилж буй “Чингис хаан” одонт “The Hu” хамтлаг ирэх дөрөвдүгээр сард АНУ-д болох “Coachella-2022” хөгжмийн наадамд оролцохоор болжээ.
Тус наадамд Монголоос анх удаа “The Hu” хамтлаг урилгаар оролцох гэж байна.
“Coachella 2020” хөгжмийн наадамд “The Hu” хамтлаг оролцох байсан боловч коронавирусийн цар тахлын улмаас тухайн жилийн тоглолт цуцлагдсан билээ.
Монголын урлагийн ертөнцөд “Хүннү Рок” хэмээх цоо шинэ урсгалаар уран бүтээлээ туурвидаг анхны хамтлаг болох “THE HU” хамтлаг нь Монгол Улсын гавьяат жүжигчин, дуучин, продюсер Б.Дашдондогийн санаачилгаар 2016 онд албан ёсоор байгуулагдаж, 2018 онд анхны уран бүтээлүүдээ цацаж эхэлсэн юм.
