Харилцаа, холбооны зохицуулах газраас дөрвөн оронтой тусгай дугаарыг найман оронтой дугаарт шилжүүлж, олон улсын жишигт нийцүүлэхээр болжээ. Тиймээс одоо ашиглаж буй дөрвөн оронтой дугаарын өмнө 1800, 1900 гэсэн тоо нэмэхээр болсон байна. Энгийн үнэ тарифтай тусгай дугаар ашигладаг байгууллага 1800 гэсэн дугаарыг ашиглах бол ашиг олох зорилготой аж ахуйн нэгж 1900 гэсэн дугаарыг нэмж хэрэглэх аж.
Уг тусгай дугаарын өөрчлөлтийг 2014 оны эхнээс иргэдэд танилцуулж, хэрэглээнд нэвтрүүлэхээр төлөвлөжээ.