Ховд аймаг: Аймгийн ИТХ дахь “Залуучуудыг дэмжих лобби” бүлэг байгуулагдав

Ховд аймгийн Залуучуудын холбооноос аймгийн Иргэдийн Төлөөлөгчдийн Хурал дахь “Залуучуудыг дэмжих лобби” бүлгийг 2013 оны 12-р сарын 03-ны өдөр шинээр зохион байгуулагдаж лобби бүлгийн дарга, дэд дарга, гишүүд сонгогдлоо.
Лобби бүлгийн даргаар Ховд аймгийн Иргэдийн Төлөөлөгчдийн Хурлын төлөөлөгч, Ховд аймгийн Засаг даргын нийгмийн бодлогын асуудал хариуцсан орлогч дарга Ч.Чинбат, дэд даргаар Ховд аймгийн Иргэдийн Төлөөлөгчдийн Хурлын төлөөлөгч, Ховд сумын Төрийн банкны тооцооны төвийн эрхлэгч А.Арбол сонгогдож аймгийн залуучуудын холбооны дарга Г.Цоожхүүгээс тамга, батламжаа гардан авлаа. Лобби бүлгийн гишүүдээр аймгийн Иргэдийн Төлөөлөгчдийн Хурлын төлөөлөгч Д.Цэдэнбал, Ц.Нарантуяа, Г.Пүрэвганди, С.Гантөмөр, Т.Шинэбаяр, Х.Харахат, Б.Бат-Энэрэл, Ц.Ганчимэг, Д.Хуягбаатар, Н.Энхмандах, Б.Гомбосүрэн гэсэн 13 төлөөлөгч нэгдэж “Залуучуудыг дэмжих лобби” бүлгээрээ дамжуулан залуучуудын эрх ашгийг хамгаалах, тэдний дуу хоолой, гүүр нь болж төрийн түвшинд ажиллахаар боллоо.

Г.Одонтуяа