“Шинэ сум” төслийн гарааг Баянхонгор аймгаас эхлүүллээ

 Орон нутгийг хөгжүүлэх зорилгоор хэрэгжүүлж буй “Шинэ сум” төслийн хүрээнд Баянхонгор аймагт багагүй бүтээн байгуулалт хийж буй юм. Энэхүү ажлын хүрээнд тус аймгийн Баянлиг, Бууцагаан хэмээх хоёр нинэ суманд багагүй бүтээн байгуулалт хийхээр болжээ. Тиймээс өнгөрсөн өдрүүдэд аймгийн Засаг даргаар ахлуулсан ЗДТГ-ын болон Газрын харилцаа барилга хот байгуулалтын газрын мэргэжилтнүүд, Шинэ сум төслийн зургийн инженерүүд төслийн ажлын явцтай танилцсан байна.

Шинэ сумын цогцолбор барих тендерт “Их модун”, “Ти Ти Энд Би” компаниуд шалгарч өнгөрсөн сарын 10-наас бүтээн байгуулалтын ажилдаа оржээ. Бууцагаан, Баянлиг сумдын бүтээн байгуулалтын ажил эрчимтэй явж, Баянлиг сумд 11 обьект, Бууцагаанд долоон обькт баригдах юм банйа. Бүтээн байгуулалтын ажил есдүгээр сарын 20 гэхэд дуусах төлөвлөгөөтэй ажиллаж байгаа аж.