Ц.Орхон итгэлтэй байна

 Монголын иргэний агаарын тээврийн Дайны эрсдлийн сангаас их хэмжээний мөнгийг хувьдаа завшсан хэргийн шүүх хурал ШШГЕГ-ын харьяа Цагдан хорих 461 дүгээр ангид болох байсан ч хойшлуулах хүсэлтийг тавьсан байна.  МИАТ компанийн гүйцэтгэх захирлаар ажиллаж байсан Б.Бат-Эрдэнэ, Б.Эрдэнэбилэг, Ц.Орхон, дэд захирлаар ажиллаж байсан Ч.Хоролсүрэн, түүний дүү “Монголиан Эйрлайнс” группын захирал асан Ч.Суурьтогтох, тэдний үүсгэн байгуулсан компанийн нягтлан бодогчоор ажиллаж байсан Н.Гантөмөр, 1997-2007 оны хооронд “Голомт” банкны 6-р салбарын захирлаар ажиллаж байсан Г.Саранчимэг нарын долоон хүнийг буруутгаад буй юм.

Тус хэрэгт МИАТ компанийн гүйцэтгэх захирал асан Ц.Орхоны эхнэрийг шалгаж байсан ч хэрэгт холбогдолгүй хэмээн үзсэн. Ц.Орхоныг ч өмгөөлөгч нь гэмт хэрэгт холбогдолгүй, харин ч хэргийг таслан зогсоосон хэмээн үзэж буй юм. Иймээс Ц.Орхон шүүх хурлаас эерэг шийдвэр гарна, нааштай шийдвэр гарна хэмээн итгэлтэй байгаа аж. Энэ сарын 3-ны өдөр болох байсан шүүх хуралд ирэхдээ тэрээр итгэл төгс харагдсан юм. Хэвлэлийнхэн түүнийг “Ц.Орхон итгэлтэй байна” гэсэн үгийг ч амнаасаа унагаж байлаа. Шүүх хурлыг  хойшлуулах шийдвэр гаргажээ.

Т.Түвшин

Ugluu.mn