Өглөө.мн Шинэ өглөө, Шинэ мэдээлэл
Шинэ оны эхэнд Монголын Залуучуудын Холбооноос Монгол Улсад суугаа гадаадын ЭСЯ-дууд болон Олон Улсын Байгууллагуудын төлөөлөгчидтэй уулзаж, 2015 оныхоо төлөвлөгөөг танилцуулж, хамтран ажиллах боломжуудын талаар санал солилцдог уламжлалтай билээ. Энэ удаагийн уулзалтыг өнгөрөгч1-р сарын 31-ний Бямба гаригт хотоос гарч цэвэр агаарт зохион байгууллаа. Тус арга хэмжээнд ОХУ-ын ЭСЯ, БНАЛАУ-ын ЭСЯ, Австралийн Ерөнхий Консулын Газар, ХБНГУ-ын ЭСЯ, БНБАУ-ын ЭСЯ, “Русский Мир”ОУ-ын Сан зэрэг байгууллагуудын төлөөлөгчид оролцсон юм.
Уг уулзалтыг МЗХ-ны Бодлого Төлөвлөлтийн Газраас зохион байгуулсан бөгөөд энэ жилийн уулзалтын гол онцлог нь ЭСЯ –ууд болон ОУ-ын байгууллагууд тус бүртэй хамтран ажиллах санал солилцож, тодорхой тохиролцоонд хүрсэн явдал юм. Уулзалтанд оролцогчид уулзалтын үр дүнд сэтгэл хангалуун байгаагаа илэрхийлж, МЗХ-той цаашид залуучуудын асуудлаар илүү олон чиглэлээр хамтран ажиллах боломжууд байгааг онцолж байлаа.
Ийнхүү МЗХ-ны олон улстай харьцах харилцаа улам өргөжин тэлж, үйл ажиллагаагаа олон улсын түвшинд хүргэж ажиллахаар боллоо.
