“Чонон сүлд”-ийн эрэмгий бүсгүй Р.Анхням эх орондоо ирлээ /фото/

Монголын жүжигчид дэлхийн кино урлагт хүчээ сорьж эхэллээ. МУСТА Б.Амарсайхан “Марко Поло” кинонд дүр бүтээж холливудад монгол жүжигчний ур чадварыг харуулаад ирсэн бол Хятадын зохиолч Жиан Роний бичсэн “Чонон Сүлд” романаас сэдэвлэн бүтээж буй кинонд Монголын нэгэн жүжигчин бүсгүй гол дүрийг бүтээлээ. Энэ бол СТА, жүжигчин Р.Анхням юм. Франц Хятад хамтран бүтээж өчигдөр БНХАУ-ын Бээжин хотноо нээлтээ хийсэн “Чонон сүлд” киноны гол дүрийг бүтээсэн авьяаслаг монгол жүжигчин бүсгүй өнөөдөр эх орондоо ирлээ. Түүнийг нисэх буудалд урлагийн салбарын төлөөлөл угтан авлаа.

Монгол иргэдийн ахуй амьдрал, эрэмгий зоримог байдлыг харуулсан тус кинонд монгол жүжигчний ур чадварыг харуулан эх орныхоо нэр хүндийг гарган амжилттай тоглоод ирсэн жүжигчин бүсгүйдээ уншигчдынхаа өмнөөс баяр хүргэе.

Г.Туяа