Америкийн иргэншлээс татгалзах болжээ

Америкийн иргэншлээс татгалзсан хүний тоо өнгөрсөн онд 3415 хүрснийг тус улсын Татварын алба болон Сангийн яамнаас мэдээлжээ. Энэ нь 2013 онтой харьцуулахад 14 хувь, 2008 онтой харьцуулахад 15 дахин өссөн үзүүлэлт аж. “CNN Money” сувгийнхан энэ тухай холбогдох шинжээчдээс лавласан байна. Тэд АНУ-ын татварын шинэ хууль тогтоомжийг өөрчилсөнөөр хилийн чинадад ажиллаж, амьдардаг америк иргэдэд санхүүгийн хүнд дарамт учруулсантай холбон тайлбарлажээ. Дээр нь татварынхаа тайланг гаргахад тэд маш олон тооны лавлагаа, бусад баримт бичиг бүрдүүлэх шаардлага тулгардгаас аргагүйн эрхэнд нягтлан бодогч хөлслөн ажиллуулж нэлээд зардал гаргадаг аж.

Эх сурвалж: www.unen.mn