Өглөө.мн Шинэ өглөө, Шинэ мэдээлэл
Олон нийтийн цахим мэдээллийн сүлжээ гэмт хэргийн нөхцлийн сэжим болох нь ч бий. Тэгвэл АНУ-ын Вашингтон хотод Facebook-ээр нэгнийгээ доромжилсноос болж хэрэг явдал нэгнийхээ амь насанд хүрэх дээрээ тулжээ. Тэд олон нийтийн цахим сүлжээгээр бие биенээ доромжилж маргаан үүсгэсэн бөгөөд паркад уулзаж асуудлаа шийдэхээр төлөвлөөд эцэст нь 14 настай охины үхлээр энэ хэрэг дууссан байна. CNN-ий мэдээлснээр Бирмингем паркад хүүхдүүд зодолдож түүнийгээ бичиж аван интернетэд тавьсан байсныг цагдаагийнхан мэдэж хүүхдүүдийг баривчилсан байна. Тэдний хоёр нь эрэгтэй байсан ба зодооны үед буу гаргаж ирэн буудалцаж эхэлжээ. Энэ үеэр 14 настай Kierra Onna Райс амиа алдаж бусад нь шархадсан байна. Цагдаагийнхан одоогоор 17, 19 насны хоёр сэжигтнийг баривчлаад байгаа бөгөөд амиа алдсан Kierra Onna нь охидын нэгтэй хэрүүл хийж паркад уулзахаар болзсон гэдгийг сэжтигтнүүдийн нэг нь хэлсэн байна.
Б.Нараа
