Кака үзэсгэлэнт эхнэр Каролин Селикод гэрлэх саналаа өндөр байшин дээрээс тавьжээ

Хосууд анх 2002 онд уулзахад Какагийн эхнэр Каролин дөнгөж 15 настай сурагч байжээ. Харин Кака тухайн үед нутгийнхаа Сан Паоло багт тоглож байсан юм. 2002 онд нэгэн үдэшлэг дээр Каролиний ээж Какагийн аавтай нэгэн үдэшлэг дээр уулзаж хүүхдүүдийг хооронд нь танилцуулсан гэнэ. Тухайн үед анхны харцаар дурласан Кака ирээдүйн эхнэр  Caroline Celico-ээс утасны дугаар болон цахим хаягийг нь авч, удалгүй болзож эхэлжээ.

2003 онд Бразил хүү Италийн алдарт АС Миланыг зорьсноос 2 жилийн дараа эхнэртээ гэрлэх санал тавьсан байна. Тухайн үед Кака Италийн Венец хот тэр чигээрээ харагдах өндөр байшингийн дээвэр дээр гарч үзэсгэлэнт эхнэртээ гэрлэх санал тавьжээ. Хосууд одоо 2 хүүхэдтэй ажээ.

Харин энэ жилийн сүүлээр тэдний хуримын 10 жилийн ой болох юм. Каролин Селико бол Викториа  Бекхэмийн адилаар үлгэр жишээ болсон үзэсгэлэнт эхнэр. Тэрээр ердөө 19 насандаа хувцас загварын компани байгуулсан,дизайнер мэргэжилтэй нэгэн юм.

Эр хүний амжилтын ард үргэлж эмэгтэй хүн байдаг. Миний энэ бүх амжилт миний эхнэртэй салшгүй холбоотой хэмээн Кака 2007 оны дэлхийн шилдэг хөлбөмбөгчнөөр тодорсныхоо дараа хэлж байсан юм.

Эх сурвалж: ssport.mn