Б.Батрэгзэдмаа: Үхмээр гунигтай доромжлолыг амслаа

Жүжигчин Р.Анхнямын тоглосон “Чоно сүлд” кино Монголын үзэгчдэд хүрч эхлээд байгаа ч олон хүмүүсийн дургүйцлийг хүргээд байна. Яруу найрагч, зохиолч Б.Батрэгзэдмаа тус киног үзсэн сэтгэгдлээ фэйсбүүк хуудсандаа нийтэлжээ.

Тэрбээр “Чонон сүлд” киног өчигдөр орой үзээд зүрх базлаад шөнө унтаж чадсангүй ээ. Үхмээр гунигтай доромжлолыг амслаа.

Өргөө гэрийн адаг – навсархай оромжтой “монгол”

Өөрийн мэдлээ барсан – заяаны адаг “монгол хүн”

Тэнгэрийн амьтанд хөөгдөөд мориноосоо унаж үхсэн “монгол”

Тэвчишгүйгээр нялх бэлтрэг сүүлдэж шидэж алах “монгол эх”

Тал тэнүүн нутаг тариалангийн түрэмгийлэлд өртөн булаагдах

Тэнгэрийн жигүүртэн хун шувуу тас буудуулж тэнгэртээ халих

Тэнгэрийн заяа хаясан “Монгол өвгөний үхэл” (тэр нь Чингис хааны дүрийг бүтээсэн Өвөрмонгол жүжигчин байв)

Түүний адагт нь “монгол бүсгүй” -н хувьгүй зүрх сэтгэл мах цус..!

Төгсгөл адагт тэнгэрлэг талын чоно тариачны гараар тэжээгдэж тэр нь ирээдүйн “хэний” бүү мэд чонон сүлд болов доо.

Ёр бүхэнг ёрлосон явуурга бүхий бүхнийг дэлгэцээр харуулж “МОНГОЛ” -ын заяа буян, эрхэт тэнгэрийн эрдэм хүч, сүр сүлдийг доройтуулах гэх доромж бүхэн миний зүрхэнд хатуу тусав. Ирэх эмгэнэл энэ биш байгаа гэж айж зүдэн нойроо барав.

Мөнх тэнгэр минь” хэмээн бичжээ.

Эх сурвалж: http://times.mn/