Өглөө.мн Шинэ өглөө, Шинэ мэдээлэл
Эрдэмтэд ойролцоогоор 1569-1738 оны хооронд амьдарч байсан байх магадлалтай 3000 араг ясыг олжээ. Араг яснуудыг Лондонгийн ойролцоо орших Бедлам буриа гэх газраас олсон байна. Эдгээр араг яснуудыг оршуулгын газраас гаргаж авахын тулд 60 археологч долоо хоногий зургаан өдөр ажиллаж байна. Энэ графикаараа ажилласаар байвал энэ оны 9-р сар гэхэд малтлага дуусах юм. Тэд эдгээр шарилыг 1665 онд Лондонд болсон их тахалын үеэр амь үрэгдэгсэд байж болох юм хэмээн таамаг дэвшүүлээд байгаа юм. Лондонгийн археологийн музейгээс уг малтлагын ажил 22 сая доллар төсөвлөж малтлагыг амжилттай болгохоор хичээн ажиллаж байна. Мөн археологийн ажилд 20000 гаруй Лондонгийн иргэд өөрсдийн хэр хэмжээгээрээ тусламж дэмжлэг үзүүлж байна. Удахгүй эдгээр шарилууд нь олны өмнө дэлгэгдэнэ гэдэгт итгэлтэй байгаа юм.
Б.Нарангэрэл
