Өглөө.мн Шинэ өглөө, Шинэ мэдээлэл
Хамтран амьдарч байсан найз бүсгүйгээ хөнөөсөн хэргээр ШШГЕГ-ын харьяа цагдан хорих 461 дүгээр ангид саатуулагдаж байсан Г.Алтанхүүг шүүхээс гэм буруугүйд тооцсон.
Тодруулбал, Г.Алтанхүү нь талийгаач Н.Цэдэн-Ишийн амь насанд хүрээгүй, харин биед нь гэмтэл учруулж байсан нь тогтоогдсон хэмээн гурван жилийн хорих ял оноосон юм. Өөрөөр хэлбэл, хэдийгээр Г.Алтанхүү нь Н.Цэдэн-Ишийн биед гэмтэл учруулж байсан нь амь насаа алдахад нь нөлөөлөөгүй. Н.Цэдэн-Иш нь архины гүн хордлогод орж нас барсан гэх шинжээчдийн дүгнэлт гарсан байдаг.
Харин талийгаач Н.Цэдэн-Ишийн ар гэрийнхэн анхан шатны шүүхийн шийдвэрийг эсэргүүцэн Эрүүгийн хэргийн давж заалдах шатны 10 дугаар шүүхэд гомдол гаргасан байдаг. Улмаар тус шүүх талийгаачийн гаргасан гомдлыг хүлээн авч, М.Пүрэвсүрэн шүүгчид хуваарилжээ. М.Пүрэвсүрэн шүүгч хэрэгтэй танилцан, хурлыг товыг гаргасан байна. Ингэснээр энэ сарын 12-нд буюу маргааш Г.Алтанхүүгийн хэргийг хэлэлцэхээр боллоо.
