Өглөө.мн Шинэ өглөө, Шинэ мэдээлэл
Алтны магнат эрийн нялх амрагуудын эгнээнд зүй ёсоор багтаж, хэнз охиныг нь төрүүлж өгөөд салсан фото модель Д.Ариунцэцэг харь оронд өнгөрүүлсэн тансаг амьдралдаа цэг тавиад удаагүй байгаа. Эх орондоо ирээд хэд хэдэн реклам сурталчилгаанд тоглож, МАН-ын томчуудтай хамт дээдсийн хүлээн авалтад оролцохоос өөр тоймтой зүйл анхаарал хандуулаагүй тэрбээр шинэ амрагийн хайр ивээлд багтсан аж.
Дуучин Д.Оюунтүлхүүрийн экс нөхөр болох “баян” хочит Базараатай хамтран амьдарч буй мисс бүсгүйг сүүлийн үед Сингапурт ноолууран бүтээгдэхүүний брэнд дэлгүүр нээсэн, загварын агентлаг байгуулахаар зэхсэн гэх мэдээлэл хэвлэлээр цацагдсан. Тэгвэл хамгийн сүүлд Төрийн соёрхолт дуучин Д.Болдын “Захиа” дууны клипэнд тоглосноор олонд танигдсан 17-хон настай охиныг ээж болгоод салсан гэгддэг “баян” Базараагийн хөрөнгө мөнгөөр ийнхүү ээлжит тансаглалаа эхлүүлсэн гэх яриаг тэр үгүйсгэжээ.
Д.Ариунцэцэг дэлгүүр нээх бодолгүй байгаа төдийгүй загварын ертөнцөөс аль эрт холдсон талаараа тайлбар хийж “Францад мастерын чиглэлээр суралцаж байсан. Харин энэ жил чөлөө авчихаад эх орондоо тайван амгалан амьдарч байна” хэмээн албан ёсоор мэдэгджээ. Түүний хувьд, баян эртэй эхлүүлсэн амрагийн харилцаандаа ихээхэн ач холбогдол өгч бяцхан охинтойгоо хамт гэрт нь очиж төвхнөсөн гэнэ лээ.
