Өглөө.мн Шинэ өглөө, Шинэ мэдээлэл
Одоогийн Монголын улс төрийн болон эдийн засгийн хямрал юунаас эхлэв, ер нь үнэхээр хямарсан юмуу , үгүй юмуу гэдэг талаар хэвлэл мэдээллийн хэрэгслүүд болон түүгээр дамжуулан ард иргэд хангалттай их зүйл ярьж санал бодлоо илэрхийлж байгаа. Нэг хүнд оногдох газар, мал сүрэг, байгалийн баялаг, ( мөн дарга нарынхаа тоогоор) болон бусад олон юмаар дэлхийд тэргүүлж байгаа улсын маань эдийн засаг нь хямраад, өрөнд баригдаад байгаагийн гол шалтгаануудын нэг нь төр засагт сонгогдож, томилогдож ажиллаж байгаа эрхмүүд хийсэн ажил, гаргасан шийдвэрийнхээ төлөө хариуцлага хүлээх ямарч тогтолцоо байхгүйтэй л холбоотой. Улс төрийн хямрал ч ялгаагүй , ард түмэндээ амалсан зүйлээ ажил хэрэг болгодоггүй, тодорхой эрх мэдэлд хүрснийхээ дараа бүгдийг мартаж зөвхөн хувийн болон “тойрон хүрээлэгч цөөнхийн” , нам фракцийн ашиг сонирхолд үйлчилдэг тогтолцоонд шилжсэнтэй холбоотой юм.
