Өглөө.мн Шинэ өглөө, Шинэ мэдээлэл
Галапагос арлын эрхшээлд байдаг Pinson хэмээх жижиг аралд сүүлийн 100 гаруй жилийн өмнө устсан байсан нэгэн төрлийн яст мэлхий дахин бий болжээ. Энэхүү ховор тохиолддог амьтан өнөөг хүртэл бүгд устаж алга болсон байжээ. Тэдний огт байхгүй болтол устсан шалтгаан нь XIX зуунд бий болсон хар хархнуудын халдлагаас болсон байна. Эрдэмтдийн үзэж байгаагаар хархнууд яст мэлхийнүүдийн өндгийг идэж тэдний үржилд саад болсон байна. Заан яст мэлхий гэж нэрлэдэг энэхүү амьтны хамгийн сүүлийн удам 100 настайдаа 2012 онд нас барсан аж. Байгаль орчин хамгаалагчид арал дээр байсан хар хархнуудыг устгасан бөгөөд эрдэмтэд судлаачид “эдгээр яст мэлхийнүүдийн ирээдүйд ямар ч аюул учирахгүй. Тэднийг олноор үржүүлж хөгжүүлэхэд анхаарал хандуулах болно” гэдэгээ хэлсэн байна.
Н.Тилеген
