Шатахуун түгээх станц дээрэмдсэн этгээдүүдэд холбогдох хэргийг шүүхэд шилжүүллээ

Улаанбаатар хотын харъяат Ө, М, С нар бүлэглэн 2015 оны 02 дугаар сарын 10-ны орой 22 цаг 50 минутын орчим Орхон аймгийн Баян-Өндөр сумын Баянцагаан  багийн нутаг дэвсгэрт байрлах “Петровис” ХХК-ын Орхон аймаг дахь ШТС-ийн байранд түгээгч Д, Д  нарыг ажил үүргээ гүйцэтгэж байхад нь мөнгө эд зүйлийг нь авах зорилгоор  нүүр хэсгээ халхлан довтолж,  бие махбодид нь хөнгөн зэргийн гэмтэл учруулан амь биед нь аюултайгаар хүч хэрэглэн эд зүйлийг нь дээрэмдсэн гэмт хэрэг үйлдсэн байна.

Энэ хэрэгт Орхон аймгийн прокурорын газраас хяналт тавьж улмаар  2015 оны 03 сарын 17-ны өдөр Эрүүгийн хуулийн 147 дугаар зүйлийн 147.2 дах хэсэгт  зааснаар яллах дүгнэлт үйлдэж шүүхэд хэргийг шилжүүлжээ.