Өглөө.мн Шинэ өглөө, Шинэ мэдээлэл
2015 оны 03 дугаар сарын 25-ны өдрийн 10 цагийн байдлаар:
МОНГОЛ УЛСАД:
Улаанбурхан өвчин, албан:
3 дугаар сарын 18-нд ХӨСҮТ-д анхны тохиолдол бүртгэгдэж, 3 дугаар сарын 23-ны өдрийн байдлаар сэжигтэй 49 тохиолдол бүртгэгдсэнээс 24 тохиолдол нь лабораторийн шинжилгээгээр батлагдсан байна. Мөн Өмнөговь аймгаас 8 сэжигтэй тохиолдол бүртгэгдээд байна. Уг дэгдэлтийн анхны 3 тохиолдлоос ялгасан үүсгэгч нь БНХАУ-д бүртгэгдсэн “HUNAN.CHN_93_H1” үүсгэгчтэй генотипын хувьд төстэй байна. ХӨСҮТ-өөс хариу арга хэмжээг зохион байгуулж ажиллаж байна.
Архины хордлого, албан:
3 дугаар сарын 17-ноос 22-нд архины хордлогын улмаас нийт 493 хүн хандаж, 4.2% (21) нь хэвтэн эмчлэгдэж, 1 хүн нас баржээ. Энэ үзүүлэлт нь өнгөрсөн долоо хоногийн хугацаанд 9.1%-иар нэмэгдсэн үзүүлэлттэй байна.
Эх сурвалж: НЭМГ
Хүний боом өвчний сэжигтэй тохиолдол, албан:
Улаанбаатар хотын Багануур дүүрэгт хүний боом өвчний сэжигтэй тохиолдол бүртгэгдсэн байна. Өвчтөн “О”, 56 настай эрэгтэй, 3 дугаар сарын 15-нд Хэнтий аймгийн Цэнхэрмандал суманд үхэр гаргах үедээ гараа эсгэсэн өгүүлэмжтэй. 3 дугаар 16-наас эмнэлзүйн шинж тэмдэг илэрч эхэлсэн. Одоо Багануур дүүргийн НЭ-т хэвтэн эмчлэгдэж, хариу арга хэмжээг зохион байгуулан ажиллаж байна.
Эх сурвалж: ЗӨСҮТ
ДЭЛХИЙ ДАХИНД
Эбола вируст халдвар, дэлхий дахинд:
3 дугаар сарын 18-ны өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 24767 хүн өвчилж, 10243хүн (41.3%) нас барсан байна. 3дугаар сарын 11-ээс хойш 150 шинэ тохиолдолмэдээлэгдсэн ба Гвинейд 95, Сьерра-Леонд 55 тохиолдол нэмэгдсэн бол Либерит батлагдсан тохиолдол бүртгэгдээгүй байна.
Эх сурвалж: ДЭМБ
Өндөр хоруу чанартай шувууны томуугийн H5N1 вируст халдвар:
Өнгөрсөн оны 11 дүгээр сараас эхлэн шувууны томуугийн H5N1 вируст халдварын хүний өвчний тохиолдол эрс нэмэгдэн бүртгэгдсээр байна. 2015 оны эхний 2 сарын байдлаар 99 хүн өвчилж, 32 (32.3%) нь нас барсан байна. Шувууны томуугийн амьтны дундах тархалт тэжээвэр шувуудын дунд бүртгэгдэж, өвчилсөн хүмүүс үхсэн болон өвчилсөн шувуудаас шууд хавьтлын замаар халдвар авчээ.
Эх сурвалж: ДЭМБ
