Өглөө.мн Шинэ өглөө, Шинэ мэдээлэл
Австралийн хил хамгаалах, цагаачлалын алба 31 орны төр, засгийн тэргүүн нарын паспортын дугаар, визний мэдээлэл, төрсний гэрчилгээний дугаарыг алдсан мэдээлэл байна. Тус албаныхан Азийн хөлбөмбөгийн аварга шалгаруулах тэмцээний зохион байгуулагчдад тэмцээн үзэх зочдын нэрсийг явуулахдаа андууран эдгээр мэдээллийг явуулсан байжээ.
Алдагдсан мэдээллүүд дотор өнгөрсөн арваннэгдүгээр сард Брисбэн хотод зохион байгуулагдсан “Их-20”-ийн дээд хэмжээний уулзалтад оролцсон АНУ-ын Ерөнхийлөгч Барак Обама, ОХУ-ын Ерөнхийлөгч В.Путин, БНХАУ-ын Ерөнхийлөгч Си Зиньпин, Германы канцлер Ангела Меркель, Их Британийн Ерөнхий сайд Дэвид Камерон, Японы Ерөнхий сайд Шинзо Абэ, Энэтхэгийн Ерөнхий сайд Нарендра Моди зэрэг дэлхийн тэргүүлэгч гүрний удирдагчдын мэдээлэл багтсан байна.
