Өглөө.мн Шинэ өглөө, Шинэ мэдээлэл
Улаанбаатар хотын цагдаагийн газрын Гэмт хэрэгтэй тэмцэх газрын алба хаагчид “Нарантуул” худалдааны төв дээр үр зулбуулах эм зардаг байсан иргэдийг илрүүлэн шалгажээ. Улмаар шалгалтын ажиллагаа явуулахад Чингэлтэй дүүрэгт оршин суух 72 настай эмэгтэй Б, 51 настай З, 30 настай Э нар үр зулбуулах эм зарж байгаад үйлдэл дээрээ баригдсан байна.
Тодруулбал, тэднээс үйлдвэрлэсэн улс болон нэр нь тодорхойгүй хоёр хайрцаг эм хураан авчээ. Одоо энэхүү эмийг хаанаас авсан гэдгийг нь тогтоохоор ажиллаж байгаа юм байна. Тэд эмээ хямдхан зардаг байсан бөгөөд авч байгаа хүмүүст “Аюулгүй ээ. Найдвартай устгана. Дараа нь ямар нэгэн сөрөг нөлөө байхгүй. Яг төрсөн хүн шиг гамаа сайн бариарай” хэмээн сурталчилж, зардаг байсан талаараа мэдүүлжээ.
Эх сурвалж www.wikimon.mn
