Өглөө.мн Шинэ өглөө, Шинэ мэдээлэл
Францын парламент хэт туранхай загвар өмсөгчид ажиллуулахыг хориглосон шийдвэр гаргасан байна. Ингэснээр загвар өмсөгчид тодорхой түвшнээс давсан биеийн ерөнхий жингийн нөхцлийг хангасан байх ёстой болж байгаа юм. Харин загварын агентлагууд уг журмыг зөрчсөн тохиолдолд торгууль төлөх болон шоронд зургаан сар хоригдох ял шийтгэл хүлээх гэнэ. Парламентийн доод танхим нь аюултай жин хасах элдэв зөвлөгөөнүүдийг хөхүүлэн дэмжсэн интернэт сайтууд болон хоол идэхгүй байх, хоолноос гарахыг зөвтгөсөн үзлийг хууль бус хэрэгт тооцож, тусгай арга хэмжээ авахаар болж байгаа юм. Өнөөдрийн байдлаар Францад 40,000 орчим хүн хоолны дуршил нь алдагдаж, огт идэхгүй байгаа бөгөөд тэднээс 10 хүн тутмын 9 нь охид, эмэгтэйчүүд байгаа аж.
Б.Болормаа
эх сурвалж: undesten.mn
