Малайзын өндөр албан тушаалтнууд нисдэг тэрэгний ослоор амь үрэгдэв

Малайзын зургаан өндөр албан тушаалтан тус улсын нийслэл Куала-Лумпурын ойролцоо нисдэг тэрэгний ослоор амь насаа алдсан байна. Амь үрэгдэгсдийн дунд Малайзын Ерөнхий сайд Н.Разакийн тамгын газрын дарга А.Алиас, АНУ дахь Элчин сайд байсан парламентын гишүүн Ж.Жаржис нар байсан тухай “Ройтерс” агентлаг мэдээллээ. Ерөнхий сайд Н.Разакийн охины хуримаас буцаж байсан нисдэг тэрэг агаарт дэлбэрэн газар унаж сүйрсэн аж.