СТА Н.Ялалт, С.Болд-Эрдэнэ нарын гар нийлсэн бүтээл үзэгчдээс өндөр үнэлгээ авлаа

32_a4c6fe12619a49f803c7234d3fd8e572949146e8СТА Н.Ялалт уран бүтээлийн найзуудтайгаа хамтран “Онч мэргэн” продакшныг байгуулаад удаагүй байгаа бөгөөд энэ сарын нэгэнд буюу олон улсын инээдмийн баярын өдрөөр “Анчид” хэмээх анхны киноныхоо нээлтийг хийсэн.

Тус киноны гол дүрд СТА С.Болд-Эрдэнэ тогложээ. Өнөө цагийн театр, дэлгэцийн урлагт өөрсдийн гэсэн томоохон орон зайг эзэлж чадсан тэд 1995-1999 онд СУИС-ын Кино, драмын ангийг хамтдаа суралцаж төгссөн нэг ангийн найзууд. Сургуулиа төгссөн даруйдаа “Зуны шөнийн зүүд” жүжигт хамт тоглож ажлын гараагаа эхэлж байсан тус жүжигчид өмнө нь “Амьдрах тасалбар”, “Хөлтрөг” зэрэг кинонуудад гар нийлэн ажиллаж байсан. “Хөлтрөг” уран сайхны кинонд СТА С.Болд-Эрдэнэ найруулагчаар ажиллаж, СТА Н.Ялалт гол дүрийг бүтээж байсан бол энэ удаад тэд байраа сольж “Анчид” кинонд С.Болд-Эрдэнэ гол дүр бүтээж харин Н.Ялалт найруулагч, продюссероор ажиллажээ. Уг уран бүтээл үзэгчдийн хүртээл болсон даруйдаа өндөр үнэлгээ аваад байгаа бөгөөд С.Болд-Эрдэнээс гадна дуучин П.Баярцэнгэл, Ш.Жавхлан, Э.Тамир, Д.Мөнхзул, ОУХМ Э.Уянга зэрэг уран бүтээлчид ажиллажээ.

Сонирхуулахад “Хөлтрөг” УСК нь СТА Н.Ялалтын тоглосон анхны аймшгийн жанрын бүтээл байсан бол “Анчид” кино нь СТА С.Болд-Эрдэний тоглосон анхны инээдмийн кино болж байгаа гэнэ шүү

download

эх сурвалж: undesten.mn

Санал болгох мэдээ

Ким Хён Жун:Гайхамшигтай дурсамж үлдээсэн Монголын шүтэн бишрэгчид болон найзууддаа баярлалаа

Өмнөд Солонгосын дуучин, жүжигчин, ая зохиогч Ким Хён Жун болон MC Sniper, Bloo нар энэ …