Ямар хүүхнүүд эрчүүдэд таалагддаг вэ?

Бүхий л цаг үед эмэгтэйчүүдийг ганцхан энэ асуулт л догдлуулсаар иржээ. Үнэхээр эрчүүдэд чухам юу хэрэгтэй байдаг юм бол? Тэд ямар чанараар нь амьдралын ханиа сонгодог вэ? Гоо үзэсгэлэн хүсүүштэй зүйл ч, гол шалгуур биш болох нь хэдийнээ нотлогдчихсон. Тэгвэл эмэгтэй хүний ямар шинж чанар эрчүүдийн таалалд хамгийн их нийцдэг болохыг өгүүлье.

Үлгэр жишээч гэрийн эзэгтэй

Эр хүн юуны өмнө гэр орны тав тух, цэвэр цэмцгэр байдал, амттай хоолыг чухалчлан үздэг. Эхнэр сонгохдоо хамгийн түрүүнд энэ шалгуурт тэнцэх эсэхийг нь хардаг гэвэл хилсдэхгүй болов уу.

---

Сайн туслагч, үнэнч зөвлөгч

Эмэгтэй хүний үнэнч шударга байдал, итгэл даах чанар, хэзээд хажууд нь байж түшиг тулгуур болох, сэтгэл санааны дэмжлэг өгөх, хэрэгтэй үед сайн зөвлөлгөө өгч чадах ухаалаг чанар нь эр хүнд амин чухал хэрэгцээтэй байдаг ажээ.

---

Халуун, янаг бүсгүй

Сексийн гайхалтай таашаал өгч, бие сэтгэлийг татах увидас нь эр  хүний хувьд хэзээнээс хүслэнт зүйл болсоор ирсэн бөгөөд хойшид ч тийм байх бололтой.

---

Номхотгох мэдрэмж

Олон эрчүүд ярдаг, омголон зантай бүсгүйг таалдаг нь судалгаагаар батлагдсан бөгөөд энэ нь ямар учир шалтгаантай болохыг ойлгож мэдэх аргагүй ажээ. Эрчүүд заримдаа хачин юманд дурладаг улс.

---

Гоо үзэсгэлэн

Энэ бол хамгийн чухал биш ч, хамгийн түрүүнд нүдэнд өртдөг шалгуур тул анхааралгүй орхиж огт болохгүй зүйл.

---

Эцэст нь: энэ бүх шинж чанар нэгэн биед нэгдэн цогцолсон байвал ёстой мөрөөдлийн дээд болж, ямар ч эр ухаан алдан тэмүүлэх биз. 

эх сурвалж: viva.mn