Өглөө.мн Шинэ өглөө, Шинэ мэдээлэл
ГОК-ийн Ганзориг гэж аль ч төрд нүүртэй буянтай эр нэг ширхэг байх юм. Ардын намынхан лааз өшиглөөд явж байхад Ганзориг л гэр бүлээрээ том албан тушаалуудад сууж байдаг. Ардчилсан намынхан сөрөг хүчнийхнээ хоморголон баривчлахад Ганзориг л үлддэг. Энэ улсын эзэн мэт, лусын хаан мэт баянаараа зартай, төрд нөлөөтэй хүн гэвэл ёстой л Ганзоригийг хэлэх биз. Хүүхдийнх нь эрхэлдэг албан тушаалыг харахад нь мань эрийн нүнжиг хан хийнэ.
Уул уурхайн дэд сайд, Оюутолгойн ТУЗ-ийн дарга, НАМЗХ-ны ерөнхий нарийн бичгийн дарга гээд нэг хүн битгий хэл нэг нам дааж чадамгүй албан тушаал, эрх ямбыг Ганзориг баяны хүү Тэмүүлэн эдэлж явна. Ирэх жил Архангайгаас УИХ-д нэр дэвшинэ гэж байгаа. Баяны хүү гарахгүй бол өөр хэн гарах юм. Удахгүй Ардын намын дарга болохыг ч үгүйсгэх аргагүй. МАН-ын лидер гэгддэг М.Энхболд, У.Хүрэлсүх нар бол Тэмүүлэнгийн дэргэд цаашаа юм байна. Баян байхын тавилаан гэж …
Эх сурвалж: chingis.mn
