Өглөө.мн Шинэ өглөө, Шинэ мэдээлэл
Урин дулаан цаг ирсэнтэй холбогдуулж энэ хавар, намрын хувцас загварын сонирхолтой чиг хандлагаас тоймлон хүргэе.
1. Цацган гоёл
1970 -аад онд мода болж байсан цацган загвар энэ жил дахин буцаж ирлээ. Цацган загвар хѳдлѳх тоолонд даган намирч таныг илүү хүчтэй цоглог харагдуулна. Цацагт даашинз хэтэрхий сүртэй мэт харагдвал нарны шилтэй хослуулан ѳмсѳѳрэй. Харин цацагтай юбка сонгохдоо бараан ѳнгийг сонговол тохиромжтой бѳгѳѳд цайвар ѳнгийн хувцасан дээр шовгор үзүүрт гуталтай хоцлуулан ѳмсвѳл тохиромжтой.
2. Нэвт харагддаг PVC
Харахад л сэтгэл сэргээм PVC цүнх нь дулаан ѳдрүүдэд илүү гоёмсог харагдана. Цүнхнээс гадна дотор тал нь харагддаг гутал бас энэ улиралд эрэлт хэрэгцээ ихтэй байх ба түрийтэй гутлаар зогсохгүй ийм сандаал хүртэл байдаг. Нэвт харагддаг гутал ѳмсѳхдѳѳ хѳлийнхѳѳ хурууны хумсыг будвал илүү зохимжтой.
3. Шар ба алтлаг ѳнгѳ
Гудамжинд алхаж явахад шар ба алтлаг ѳнгѳ юу юунаас илүүтэйгээр онцгойрч харагддаг. Шар ѳнгийн гутал нь хээнцэр ба ѳнгѳлѳг харагдуулж хувцас загварыг бүрэн тѳгс болгож чадна.
4. Үсгэн чимэглэлт загвар
Загварлаг хүмүүс ѳѳрийнхѳѳ санал бодлыг илэрхийлдэг арга нь хүртэл ѳвѳрмѳц юм. Тѳрѳл бүрийн үг бичсэн загварын хувцас ѳмссѳн нь яг л биеэрээ ярьж байгаа мэт байдаг. Бусдаас онцгойрч ѳѳрийнхѳѳ дуртай үгтэй хувцасыг сонгон ѳмсѳх нь энэ улирлын нэгэн чиг хандлага юм.
5. Эрх чѳлѳѳт пүүз
Энэ зун охид бүсгүйчүүд ѳндѳр ѳсгийтѳѳс бууж золбоотойгоор алхах болно. Тод ѳнгийн пүүзийг хувцастайгаа тохируулж чадвал загварлаг харагдахаас гадна эрх чѳлѳѳг мэдрэх болно. Намхан хүмүүсийн дунд ѳндѳр үргэлжилсэн ултай гутал эрэлт хэрэгцээ ихтэй байна.
6. Судалтай загвар
Хэзээ ч хуучирдаггүй загвар болох судалтай хувцас энэ удаад ч хүүхнүүдийн шилдэг сонголт байх болно. Сонгодог хэрнээ дэгжин харагдахыг хүсвэл энэ загвар нэн тохиромжтой. Судалтай гутал нь энгийн хувцсыг ѳнгѳ нэмэгдүүлж харагдуулна.
7. Хүзүүний ороолт
Олон янзын ѳнгѳ ба тод загварын алчууртай байхад энэ улиралд санаа зоволтгүй байх болно. Алчуурыг хүзүү болон үсэндээ зүүхээс гадна тэлээний оронд зүүвэл загварлаг харагдах болно.
эх сурвалж: news.mn
