Нигерийн цэргүүд энгийн иргэдийн амь насыг хөнөөжээ

Нигерийн төв хэсэгт нийгмийн бүлгийн удирдагчид засгийн газрын цэргүүдийг олон тооны энгийн иргэдийн амь насыг хөнөөж, тосгоныг нь шатаасан хэрэгт буруутгаад байна. Зургаан цэрэг малчдын гарт амь үрэгдсэний дараа ийнхүү аймшигт хэрэг гарсан гэдгийг албаны эх сурвалжууд мэдэгдсэн юм. Плату дахь Вэйс дүүргийн иргэдийн ярьж буйгаар, Бямба гаригийн шөнө цэргүүд ирж, хавтгайруулан гал нээсэн аж. Харин цэргийнхний зүгээс энгийн иргэдийг хөнөөсөн гэх хэргээс татгалзаж, нутгийн бүлэглэлүүдийн нэгнийх нь хийсэн хэмээн мэдэгдсэн байна. Гэвч цэргүүдийг хөнөөсөн малчид Боко Харам бүлэглэлийнхэнтэй ямар ч холбоогүй болохыг эх сурвалжууд мэдэгдсэн юм.

Б.Болормаа

эх сурвалж : undesten.mn