Өглөө.мн Шинэ өглөө, Шинэ мэдээлэл
Монгол Улсын Гадаад хэргийн яамны Олон улсын хамтын ажиллагааны сангийн шугамаар Мьянмарын Холбооны Бүгд Найрамдах улсын зарим яам, тусгай газрын ахлах албан тушаалтнуудад “Монгол Улсын ардчилал, зах зээлийн нийгэмд шилжсэн туршлага” сэдэвт тусгай сургалтыг 2015 оны тавдугаар сарын 18-наас 22-ны өдрүүдэд зохион байгуулж байна.
Энэхүү тусгай сургалтын хүрээнд Мьянмарын Холбооны Бүгд Найрамдах Улсын төлөөлөгчдөд Улсын Ерөнхий Прокурорын туслах, Гадаад харилцаа эрх зүйн туслалцааны хэлтсийн дарга Г.Ганзориг “Прокурорын байгууллагын үйл ажиллагаа, өнөөгийн байдал” сэдвээр танилцуулах сургалтыг тавдугаар сарын 20-ны өдөр хийлээ. Уг сургалтаар Монгол Улсын Прокурорын байгууллагын үйл ажиллагааг танилцуулан, сургалтанд оролцогчдын сонирхсон асуултанд хариулт өгсөн байна.
