Гэмт хэргээс урьдчилан сэргийлэх чиглэлээр сургалт зохион байгуулжээ

Ховд аймгийн Прокурорын газраас санаачлан Ховд аймаг дахь ШШГ албаны харъяа хорих 457-р ангид ял эдэлж буй ялтнуудад  2015 оны 05 дугаар сарын 27-ны өдөр гэмт хэргээс урьдчилан сэргийлэх чиглэлээр сургалт яриа таниулга зохион байгуулсан байна.

Сургалтаар хорих, баривчлах ял эдлэж байгаа ялтнуудад гэмт хэргээс урьдчилан сэргийлэх хууль, эрүүгийн хууль тогтоомж, архи, тамхины хор уршиг  болон хугацааны өмнө тэнсэн суллахад тавигдах шаардлага, сахилгын зөрчил гаргасны хор уршиг зэрэг сэдвээр сургалт, яриа таниулга зохион байгуулсан ба ялтнуудын асуусан асуулт, санал хүсэлтийг хүлээн авч шийдвэрлэн, хариулт өгч ажиллажээ.