Т.Билгүүний аминд хүрсэн жолоочийн хэрэг эцэслэн шийдэгдээгүй байна

Өнгөрсөн нэгдүгээр сарын 23-ны өдөр хошин урлагийн “Шинэ үе” продакшны авьяаслаг жүжигчин Т.Билгүүн авто машины ослоор зуурдаар хорвоог орхиж, монгол түмнийг харуусалд унагасан. Түүний хувьд хамтлагийнхантайгаа, мөн хошин урлагийн нэр бүхий продакшнуудтай хамт Хөх хотын “Одон” телевизийн урилгаар тоглолт хийхээр явж байгаад ийн харамсалтайгаар амиа алдсан юм.
Улмаар зам тээврийн осол гаргаж хүний аминд хүрсэн гэх жолоочийг цагдан хорьж, шалгалтын ажиллагааг үргэлжлүүлж байгаа. Өвөрмонгол жолоочийн хувьд 15 жилийн ял авах төлөвлөгөөтэй байгаа талаар эх сурвалжууд мэдээлж байсан юм. Тэгвэл хэргийн шийдвэрлэлийн талаар ГХЯ-ын эх сурвалжаас тодруулахад “Асуудал нь шалгагдаад явж  байгаа. Эцэслэн шийдэгдэж хохироосон этгээд хэдэн жилийн ял авлаа гэсэн албан ёсны мэдээлэл манайд ирээгүй” гэв.

Д.Ундрах /24tsag.mn/