Өглөө.мн Шинэ өглөө, Шинэ мэдээлэл
Өмнөд Солонгос улсад 24 хүний аминд хүрээд буй MERS вирусийн анхны тохиолдол Тайланд улсад илэрлээ. Одоогоор нэр нь тодорхойгүй байгаа уг өвчтөнийг нийслэл Бангкок хот дахь халдвартын эмнэлэгт тусгаарласан хэсэгт байрлуулсан байна. Тайландын эрүүл мэндийн ажилтны мэдэгдсэнээр Оманаас ирсэн 75 настай дээрх эрэгтэй өвчтөн нь Бангкокийн эмнэлэгт зүрхний эмгэгийн улмаас эмчлүүлэхээр ирсэн аж. Өвчтөнөөс халдвар авсан байж болзошгүй, түүнд ойр байсан хүмүүсийн тоо 60 орчим байсан хэмээн мэргэжилтнүүд тодорхойлсон байна. Тэрээр онгоцоор садангийн гурван хүний хамт аялж байжээ. Тайланд бол эмчилгээний аялал жуулчлалын үйл ажиллагаагаараа Ойрх Дорнодоос ирсэн өвчтөнүүдийн дунд нэлээд алдартай улс билээ.
Б.Болормаа
эх сурвалж: undesten.mn
