Ихэнх имжнүүд солгой байдаг

Эрдэмтэд имж буюу бидний хэлж заншсанаар кенгуру гэх амьтны талаар нэгэн сонирхолтой судалгаа хийжээ. Зэрлэг имжнүүдийн ихэнх нь хооллох, цэвэрлэх зэрэг үйлдлийг хийхдээ солгой гараа ашигладаг болохыг тогтоосон байна.

Эрдэмтэд хүнээс гадна гараа ашигладаг амьтны төрөлд анх удаа ийнхүү судалгаа хийж үзсэн юм. Тэд зэрлэг байгалд амьдарч буй имжний маш олон төрөлд энэхүү судалгааг хийжээ. Судлаачид “roo” имжний хоёр болон “wallaby” имжний нэг төрөлд судалгаа хийж үзэхэд бүгд солгой байсан аж. Current Biology сэтгүүлд хэвлэгдсэн дээрх судалгааг Австралид судалгааны ажлаар ирсэн Санкт-Петербургийн их сургуулийн Орос эрдэмтэд удирдан ажиллажээ. Тэд Тасманийн их сургуулийн Ph докторант, амьтан судлаач Жанень Инграмтай хамтран ажилласан юм.