Австралийн мэс засалчид шархадсан яст мэлхийн хуягийг оёв

Австралийн мэс засалчид хүндээр шархадсан яст мэлхийг аврахын тулд хэд хэдэн хагалгааг амжилттай хийсэн талаар Их Британийн хэвлэл мэдээллийн хэрэгслүүд мэдээлж байна. Яст мэлхийн жин 100 кг татаж байсан аж. Хөөрхий хэвлээр явагч Австралийн зүүн эрэгт завьтай мөргөлдсний улмаас хуяг нь цуурч, толгойдоо хүнд гэмтэл авсан байжээ. Яст мэлхийн зузаан хуягийг хэвэнд нь оруулахын тулд мэс засалчид олон оёо тавихаас өөр аргагүй байдалд хүрсэн гэнэ. Одоогоор мэс засалд орсон яст мэлхийн биеийн байдал тогтвортой байгаа бөгөөд тэрээр мөхөж буй төрөл зүйлд хамаарагдах далайн ногоон яст мэлхий байжээ.

Эх сурвалж: tvmongolia.mn