УИХ-ын чуулган эхэллээ

УИХ-ын чуулганы нэгдсэн хуралдаанаар өнөөдөр 18 асуудал хэлэлцэхээр товлосон. Өглөө 09:00 цагаас эхлэх байсан чуулган нэг цагаар хоцорч дөнгөж сая эхэллээ. Ингээд хэлэлцэх асуудлын дарааллаар яг одоо Засгийн газраас өргөн мэдүүлсэн Монгол Улсын Засгийн газар, Азийн хөгжлийн банк хооронд байгуулсан “Төлбөрийн системийн шинэчлэл төсөл”-ийн зээлийн хэлэлцээрийг соёрхон батлах тухай хуулийг хэлэлцэж эхэллээ. Хууль  санаачлагчийн илтгэлийг Хууль зүйн сайд Д.Дорлигжав танилцуулж, Аюулгүй байдал, гадаад бодлогын байнгын хорооны санал, дүгнэлтийг Улсын Их Хурлын гишүүн Л.БОЛД танилцууллаа. Хэлэлцэж буй асуудалтай холбоотойгоор гишүүд саналаа хэлж, асуулт асууж эхэллээ.