Өглөө.мн Шинэ өглөө, Шинэ мэдээлэл
Нийслэл хотын хэмжээнд 2015 оны эхний таван сарын байдлаар гэр бүлийн хүчирхийллийн улмаас үйлдэгдсэн 249 гэмт хэрэг бүртгэгдэж, 248 иргэн хохирсны 90,3 хувь эмэгтэй, 9,6 хувь эрэгтэй хүн байна. Энэ нь өмнөх оны мөн үетэй харьцуулахад хэрэг 20,8 хувь, хохирогч 19,8 хувиар өссөн үзүүлэлттэй байгаа юм.
Хүчирхийллийг хэлбэрээр нь харахад бие мах бодын хүчирхийлэл 78,1 хувь, сэтгэл санааны хүчирхийлэл 20,5 хувь, бэлгийн хүчирхийлэлд автсан хэрэг 0,4 хувийг эзлэж байгаа юм. Гэр бүлийн хүчирхийллийн улмаас бүртгэгдсэн захиргааны зөрчил 2015 оны эхний 05 сарын байдлаар нийт 285 байгаа нь өмнөх оны мөн үетэй харьцуулахад 132 нэгжээр буюу 86,2 хувиар өссөн байна гэж Улаанбаатар хотын цагдаагийн газрын гэр бүлийн хүчирхийлэл, хүүхдийн эсрэг гэмт урьдчилан сэргийлэх хэлтсээс мэдээлэв.
