Өглөө.мн Шинэ өглөө, Шинэ мэдээлэл
Филиппиний эрэгт 189 зорчигч тээвэрлэж явсан хөлөг онгоц хөмөрч, 36 хүн нас барж, 26 хүн ор сураггүй болсонд тооцогдож байгаа аж. Ормок хотын онцгой байдлын албаны хүмүүсийн мэдээлж буйгаар 173 зорчигч, хөлгийн багийн 16 хүнийг тээвэрлэсэн “Ким Нирвана” хөлөг онгоц Филиппиний төв хэсгийн Ормок хотоос Камотес арлуудыг чиглэн хөдөлжээ.
Гэвч хөдөлсөнөөсөө хойш 30 минутын дараа хөмөрч осолдсон байна. Хамгийн сүүлд авсан мэдээгээр 127 хүн аврагдаад байгаа юм байна. Хөлөг хөмөрсөн шалтгааныг өмнө нь далайн ширүүн давалгаатай холбон тайлбарлаж байсан ч, албаны зарим эх сурвалжууд тухайн үед “салхи, шуурга” огт байгаагүй хэмээж байгаа аж. Одоогоор ослын шалтгаан тодорхойгүй байгаа юм.
Эх сурвалж: www.mminfo.mn
