Гэмт этгээд хоёр хүнийг буудаж, нэгийг нь хутгалж хөнөөжээ

Төв аймгийн Сэргэлэн сумын нутагт нэг гэр бүлийн гурван хүний амь насыг бүрэлгэсэн онц ноцтой гэмт хэрэг баяр наадмын өдөр буюу энэ сарын 11-нд гарсныг манай сайт мэдээлсэн. Тэгвэл энэ хэргийн талаар Цагдаагийн ерөнхий газраас мэдээлэл хийлээ.

Тус сумын I багийн нутаг дэвсгэр болох “Хөндлөн” гэх газар хүний цогцос байна гэх мэдээлэл цагдаагийн байгууллагад ирсэн байна. Энэ дагуу хэргийн газар шуурхай ажиллахад 57 настай Л, 11 настай Б нарыг буудаж, 53 настай Н-ийг хутгалж хөнөөсөн байжээ.

Уг хэргийг эрхэлсэн тодорхой ажилгүй 32 настай Б гэгч үйлдсэн байж болзошгүй хэмээн сэжигтнээр татан шалгаж буй юм байна. Гэмт этгээд хэргийн газраас буу, автомашин хулгайлсан байжээ.

www.eagle.mn