Өмнөд Солонгосын тагнуулч амиа хорложээ

Өмнөд Солонгосын Үндэсний Тагнуулын албаны ажилтан уулархаг бүс дэх авто зам дээр явж байхдаа амиа хорлосныг цагдаагийнхан олж тогтоожээ.

Тагнуулын ажилтнууд утасны яриа чагнасан хэрэгт буруутгагдаж байгаа энэ үед тэрээр амиа хорлосон нь ийнхүү олон нийтийн анхаарлыг татаж байгаа юм. Тэрээр утасны яриа чагнасан талаарх чухал мэдээллийг устгасан тухай тэмдэглэл үлдээжээ.

2012 оны ерөнхийлөгчийн сонгуулийн өмнөхөн хууль бусаар утасны яриаг чагнаж, хянаж байсан тухай мэдээлэл ил тод болоод удаагүй байгаа билээ. Засгийн газар болон Тагнуулын албаны ажилтнууд Италийн нэгэн компаниас худалдан авсан тагнуулын төхөөрөмжийг Өмнөд Солонгосчуудыг тагнахад ашиглаагүй хэмээн мэдэгдсэн юм. Эдгээр төхөөрөмж нь Умард Солонгосын эсрэг өөрийн орны цахим дайн хийх хүчин чадлыг нэмэгдүүлэх зорилготой хэрэгсэл хэмээн тус байгууллагын зүгээс тайлбарлаж байгаа аж.

Б.Бурмаа

эх сурвалж: undesten.mn