Өглөө.мн Шинэ өглөө, Шинэ мэдээлэл
Австралийн Сенатын танхим марихуаныг хуулиар хүлээн зөвшөөрч, эмийн зорилгоор хэрэглэхийг дэмжлээ. Ингэснээр Австрали улс марихуаныг хүлээн зөвшөөрсөн дараагийн улс болоход нэг алхам ойртлоо. Австралийн “Ногоон нам”-ын удирдагч Ричард Ди Натале өнгөрсөн оны арваннэгдүгээр сард “Марихуаныг эмийн тунгаар хүлээн зөвшөөрөх хуулийн төсөл”-ийг санаачилсан юм. Ингээд ажлын хэсэг байгуулан өнгөрсөн хоёрдугаар сард хуулийн төслийг эхний байдлаар хэлэлцүүлсэн байна. Ийнхүү түүний санаачилсан хуулийн төсөл өнөөдөр Сенатын танхимаар дэмжигджээ.
Марихуаныг хуулиар хүлээн зөвшөөрөх эцсийн хэлэлцүүлгийг ирэх сарын 10-нд явуулах юм. Ингэхдээ олон нийтийн дунд явуулсан албан ёсны санал асуулгын дүнг үндэслэх аж. “Palliative Care Australia” байгууллагын хийсэн судалгаагаар австраличуудын гуравны хоёр хувь нь эмийн тунгаар марихуан хэрэглэх санааг дэмжиж байгаа юм. Харин 9 хувь нь энэхүү саналыг эсэргүүцэж байгаа аж. Тиймээс ирэх сарын 10-нд марихуаныг хүлээн зөвшөөрсөн хууль албан ёсоор батлагдах нь тодорхой хэмээн тэд үзэж байгаа юм байна.
эх сурвалж: everyday.mn
