Бейонсе алмаазан гутлаар гангарав

Өөртөө дэндүү хайртай Америкийн дуучин Бейонсе амьдрал дээр ч тэр, тайзан дээр ч өөрийгөө эрхлүүлдэг нэгэн. Өөрийн шинэ клипнүүдэд оролцохдоо тэрбээр хувцас болон гуталны хамгийн сайныг нь худалдаж авахыг эрмэлздэг. Тун удахгүй бид түүний 300 мянган долларын үнэтэй бриллиантан шигтгээтэй туфлийг үзэх болно. Бейонсе бүсгүй тэдгээрийг “Queen Bee” дууны клипэндээ тоглохдоо өмсөх юм.

Princess Constellation туфлийг олон мянган шигтгээгээр чимжээ. “House of Borgezie” Загварын ордны эзэн бөгөөд загвар зохион бүтээгч Крис Шеллис дуучин бүсгүй түүний хайртай үйлчлүүлэгч гэдгийг онцлов. “Энэ туфли ямар ч эмэгтэйг жинхэнэ гүнж болгож орхино” хэмээн тэрбээр ярьжээ. Ирэх сард уг дууны клип бэлэн болж, цацагдах аж.