Прокурорууд тангараг өргөлөө

Улсын Ерөнхий Прокурор, Төрийн Хууль Цаазын Тэргүүн зөвлөх М.Энх-Амгалан Монгол Улсын Прокурорын байгууллагын тухай хуулийн 40 дүгээр зүйлийн 40.1-д заасны дагуу тушаал гаргаж прокурорын туслах ажилтнаар ажиллаж байсан Б.Энхбат, Э.Гэрэлмаа, Д.Ууганцэцэг, Х.Оюунцэцэг, Г.Ганхөлөг, Ц.Сүхбат, Б.Батсайхан, Ц.Батзориг, Б.Мөнгөншагай, Ц.Гэрэлбаатар, Б.Ганзориг нарыг Нийслэлийн дүүргийн болон зарим аймгийн прокурорын газруудад прокурорын албан тушаалд томиллоо.

Томилогдсон прокурорууд өнөөдөр буюу 2015 оны 8 дугаар сарын 10-ны өдөр Монгол Улсад прокурорын байгууллага үүсч хөгжсөний 85 жилийн ой,  “Прокурорын албаны өдөр” –ийг тохиолдуулан УЕПГ-ын дэргэдэх “Прокурорын сургалтын төв”-д шинээр байгуулсан “Прокурорын алдрын танхим”-ын нээлтийн үеэр тангараг өргөлөө.

Тангараг өргөх ёслолын ажиллагааг УЕПГ-ын ахмад прокурор Ш.Батаа удирдаж явууллаа.

Мөн шинээр томилогдсон прокуроруудад Улсын Ерөнхий прокурор, Төрийн Хууль Цаазын Тэргүүн зөвлөх М.Энх-Амгалан ажлын өндөр амжилтыг хүслээ.