Өглөө.мн Шинэ өглөө, Шинэ мэдээлэл
“ТВ коктейль”-ийн цоглог залуус, найруулагч Ж.Сэнгэдорж, жүжигчин А.Баттүшиг нар хамтран “Sun” pictures-ийг байгуулсан байна. Хамгийн сүүлд “Омарын эрэлд” гарсан Өөскө, Цоомоо, Аюуш нар найруулагч Ж.Сэнгэдоржтой хамтран “Хоёр ертөнцийн буудал” сэтгэлгээний драмын жүжгийг бүтээн үзэгчдийг байлдан дагуулж байсан нь саяхан. Тэгвэл энэ удаад дахин шинэ уран бүтээлийн ажилд орсон ажээ. Ж.Сэнгэдоржийн найруулсан “Диваажингаас амьдралд хүрэх зам”, “Адам”, “Бодлын хулгайч”,” Ларьдма”, “Үргээлэг” гэхчилэн дэлгэцийн бүтээлүүдэд үзэгчид өндөр үнэлгээ өгдөг юм. Харин жүжигчин А.Баттүшигийг “Дурлалын гэмт хэрэг”, “Адам”, “Долоон бурхан харвадаггүй” кинонуудын дүрүүдээр нь үзэгчид андахгүй. Ийнхүү гар нийлсэн “нарныхан” анхны уран бүтээлийн үүцээ удахгүй задлах бизээ.
