Эзэгтэй таньд хэрэгтэй хүнсний зөвлөгөө

-Загасны хайрсыг цэвэрлэхийн өмнө давс түрхвэл цэвэрлэхэд хялбар.
-Арилгасан төмсийг хүйтэн усанд хэдэн минут байлгаад чанавал түргэн болдог.
-Төмсийг бүтнээр нь чанахдаа зөөлөн гал дээр буцалгадаг. Учир нь ширүүн галаар буцалгавал гадна тал нь хэт болоод үйрч дотор тал нь түүхийрдэг.
-Сонгино хэрчихийн өмнө хүйтэн усанд хэсэг байлгаад хэрчвэл нүд хорсохгүй. Мөн хэрчих үед нулимс гоожоод байвал хутгаа үе үе хүйтэн усанд дүрээд үзээрэй.
-Хүрэн манжин, лууванг хальстай нь чанаад дараа нь халуун бүлээнээр нь арилгахад хаягдал бага гарна.
-Ургамлын тосыг хадгалахдаа ялимгүй онгорхой саванд хадгална. Мөн чимх хоолны давс хийвэл бүр сайн.
-Будаа агшаахдаа бага зэрэг цуу хийхэд сэвсгэр цагаан өнгөтэй болно.
-Хэрэв та сүүтэй гоймон чанаж байгаа бол эхлээд гоймонгоо 3-7 минут усанд чанах хэрэгтэй. Дараа нь сүүндээ хийгээрэй.
-Чанасан гоймонг хэрэглэхдээ эхлээд сайтар шүүгээд дараа нь бага зэрэг шарвал сайхан амттай болно.
-Чанасан төмсийг амттай болгохын тулд төмсөө чанаж байхдаа 2-3 хумс сармис, лаврын навч хийгээд дараа нь шарах буюу халуун зууханд /дуковк/ хийвэл сайхан амттай болно.
-Хальстай нь чанасан төмсийг гаргангуутаа хүйтэн усанд дүрээд авмагц хальс нь түвэггүй салдаг.
-Котлет хийхээр бол цагаан талх нунтаглаж хийвэл илүү зөөлөн, шүүслэг болно. Котлетыг 1-2 ширхэг өндгөөр барьцалдуулна
-Давсыг хоолоо болгосны дараа хийвэл эрүүл мэндэд сайн.
-Хоол хэтрүүлэн идсэн, бие тавгүйрхсэн бол зөгийн балтай ус нэг аягыг уучих. Түргэн шингэхэд тустай.
-Долоо хоногт 2-3 удаа хятад байцааны шүүс ууваас элэгний өвчнөөс сэргийлнэ.

/”Хань” сонин/